Google ADS

Osmani: Është domosdoshmëri qasja e fëmijëve në arsim cilësor

19:09 | 5 Prill 2024
R J

Presidentja e Kosovës, Vjosa Osmani priti në takim lamtumirës, drejtoreshën e UNICEF-it, Nona Zicherman, të cilën e ka falënderuar për angazhimin e deritashëm në Kosovë.

Në takim siç thuhet në njoftimin për media, u diskutua për vazhdimin e bashkëpunimit me UNICEF-in, në sferën e të drejtave të fëmijëve, siç është edukimi i hershëm i fëmijëve, sigurimi i infrastrukturës së nevojshme për qasje në institucionet parashkollore, ngritja e cilësisë në arsim, si dhe sigurimi i barazisë gjinore.

Presidentja Osmani theksoi domosdoshmërinë e qasjes së fëmijëve në arsim cilësor dhe fuqizimin e mirëqenies së tyre.

Ndërkaq Zicherman, falënderoi presidenten Osmani për mbështetjen, duke uruar që bashkëpunimi i mirë të vazhdojë edhe nga pasardhësi i saj në këtë pozitë./rtk

Shpërndaje në rrjete sociale

Lajmet më të lexuara

Të ngjashme

Foto lajm