Presidentja e Kosovës, Vjosa Osmani, në 26 vjetorin e gjenocidit të Srebrenicës, ka thënë se askush më mirë se Kosova nuk e njeh dhimbjen e Srebrenicës.
Ajo përmes një postimi në Facebook, ka shkruar se Reçaku, Meja, Pokleku, Prekazi, si dhe shumë masakra të tjera në pjesë të ndryshme të Kosovës, janë pjesë e të njëjtës dhimbje e të njëjtit përjetim.
Postimi i plotë i tij:
Sot, bota kujton 26-vjetorin e Masakrës së Srebrenicës, barbarisë së paparë të forcave gjenocidale të regjimit serb të Millosheviqit.
Sot dhimbjen e nënave të Srebrenicës e ndajmë bashkërisht! Mbetjet mortore të 19-të të vrarëve atëkohë (bashkë me mbi 8 mijë boshnjakë të tjerë) sot do të kenë adresën e përhershme. Një 16-vjeçar do të jetë në mesin e atyre që do të varrosen sot, 26-vjet pas vrasjes!
Akte të tilla barbare duhet të marrin gjykimin e drejtësisë, por edhe të historisë. Srebrenica është kujtesa jonë e freskët dhe leksion se krimet e padënuara përbëjnë bazë që ato të përsëriten.
Askush më mirë se Kosova nuk e njeh dhimbjen e Srebrenicës.
Reçaku, Meja, Pokleku, Prekazi, si dhe shumë masakra të tjera në pjesë të ndryshme të Kosovës, janë pjesë e të njëjtës dhimbje e të njëjtit përjetim.
Kuvendi i Republikës së Kosovës, ditë më parë miratoi Rezolutën për gjenocidin në Srebrenicë, me të cilën Kosova e dënon gjenocidin e organizuar dhe të kryer nga forcat gjenocidale të regjimit serb të Millosheviqit.
Ka vetëm një të vërtetë: në Srebrenicë ka ndodhur gjenocid. Këtë duhet ta pranojë secili, këtë duhet ta themi të gjithë, këtë duhet ta kujtojmë gjithnjë!
Qoftë i përjetshëm kujtimi për më shumë se 8 mijë të masakruarit në Srebrenicë./arbresh.info/
Shtatë të vrarë nga një sulm izraelit në një shkollë të kthy...
Netanyahu thotë se Hezbollahut i janë shkaktuar goditje të p...
Haxhiu: Fehmia, Xheva e Fatimja, do të mbeten përherë shembu...
Automjeti i ushtrisë serbe shtyp veturën, vdesin pesë person...
Zbulohet laboratori i drogës në podrumin e një banese në Pri...
Goditet një laborator i drogës në Prishtinë, Sveçla thotë se...