Google ADS

Osman Krasniqi zgjedhet Kryetar i Degës së AKR-së në Rahovec

14:43 | 19 Shkurt 2017
M. A.

Në prag të përfundimit të procesit të brendshëm zgjedhor të partisë, dega e Aleancës Kosova e Re në Rahovec, ka mbajtur sot Kuvendin e saj Zgjedhor. Nga 95 delegatë të pranishëm, Kryetar i degës së AKR-së në Rahovec, me shumicë votash është zgjedhur Osman Krasniqi.

Kryetari i Krasniqi, i falënderoi delegatët për angazhimin e tyre në shtrirjen e Aleancës Kosova e Re në tërë komunën e Rahovecit, duke theksuar se alternativa qeverisëse që ofron AKR-ja do të triumfojë në Rahovec.

Kuvendi më pas i ka vazhduar punimet duke e zgjedhur edhe Kryesinë 11 anëtarëshe dhe strukturat tjera udhëheqëse të degës, me nënkryetarët; Sezai Mustafa e Bajram Morina, si dhe sekretare Valmira Kabashi.

Me një fjalë rasti, Kuvendin e përshëndeti edhe koordinatori i zgjedhjeve në AKR, Vesel Makolli, i cili ju bëri thirrje qytetarëve që t’i bashkohen AKR-së. Ai tha se Aleanca Kosova e Re ka një program të avancuar, i cili garanton rritje ekonomike dhe gjenerim të vendeve të reja të punës. /Arbresh.info

16809475_10154889999055856_439405572_n

Shpërndaje në rrjete sociale

Lajmet më të lexuara

Të ngjashme

Foto lajm