Zyra e Misionit të OSMBE-së në Kosovë ka dënuar sulmet ndaj zyrtarëve policor të Policisë së Kosovës që u bënë mbrëmjen e së enjtes në veri të vendit.
Shefi i Misionit të OSBE-së në Kosovë, ambasadori Michael Davenport, përmes një postimi në Facebook, u ka bërë thirrje të gjitha institucioneve përkatëse që të fokusojnë përpjekjet në identifikimin e autorëve dhe vënien e tyre para drejtësisë, shkruan arbresh.info.
“Misioni i OSBE-së në Kosovë i sheh me shqetësim të madh sulmet e fundit ndaj Policisë së Kosovës. Aktet e tilla të shëmtuara, të drejtuara kundër jetës së policëve, detyra e të cilëve është të mbrojnë të gjithë njerëzit në Kosovë, janë krejtësisht të papranueshme. U bëjmë thirrje të gjitha institucioneve përkatëse që të fokusojnë përpjekjet në identifikimin e autorëve dhe vënien e tyre para drejtësisë”, thuhet në reagimin e OSBE-së në Facebook.
Përveç OSBE-së, për sulmet ndaj policëve në veri, kanë reaguar dhe e kanë dënuar edhe Bashkimi Evropian(BE) dhe Ambasada e Shteteve të Bashkuara të Amerikës (SHBA) në Kosovë.
Në anën tjetër misioni NATO-s në Kosovë, KFOR ka konfirmuar gatishmërinë e tij për ta mbështetur Policinë e Kosovës nëse ka nevojë dhe nëse një gjë e tillë kërkohet./arbresh.info/
Ushqimet e duhura për të shmangur ftohjen
Alexander-Arnold i përgjigjet raportimeve se po synon blerje...
Votimi për presidencialet e nëntorit/ SHBA, hapen zyrtarisht...
Taulant Xhaka paralajmëron rikthimin e vëllaut të tij tek Ba...
Moti i ligë në Tetovë – Shtëpi dhe oborre të përmbytura
OKB: Armëpushimi në Gaza, prioritet absolut dhe urgjent