Vetëvendosja dhe LDK-ja kërkojnë që qeveria “Haradinaj” të japë dorëheqje dhe vendi të shkojë në zgjedhje të parakohshme parlamentare. Sipas tyre, koalicioni qeverisës nuk i ka numrat për të mbetur në pushtet.
Dy subjektet opozitare, lëvizja “Vetëvendosje” dhe Lidhja Demokratike e Kosovës, kërkojnë që vendi të shkojë në zgjedhje të parakohshme parlamentare.
Të martën “Vetëvendosja” dhe LDK-ja e kanë lëshuar sallën e Kuvendit në shenjë pakënaqësie për mosvotimin e rekomandimeve të tyre kundër vendimit për rritjen e pagave të kabinetit qeveritar nga pozita e vendit, duke ia pamundësuar kështu koalicionit qeverisës ta vazhdojë seancën pasi nuk kishte kuorum.
Pas kësaj “Vetëvendosja” ka kërkuar edhe dorëheqjen e Qeverisë. Edhe LDK-ja ka kërkuar që vendi të shkojë në zgjedhje të reja, por ka thënë se fillimisht duhet të ratifikohet Demarkacioni i kufirit me Malin e Zi, shkruan “Zëri”.
Në anën tjetër, analistët e vendit bojkotimin e seancës nga opozita e shohin si hap drejt rrëzimit të kësaj Qeverie. Madje sipas tyre, dështimi i seancës është dështim i koalicionit qeveritar./Zëri/
Ismaili takoi Përfaqësuesin e Thesarit të SHBA-së, diskutuan...
Ngritet aktakuzë ndaj shtatë personave për “Kontraband...
Osmani ndan fotografi nga New York: Për ta përfaqësuar Kosov...
Zhduket një i mitur në Gjakovë
Vidhet një shporet në veri, policia duke hetuar rastin
Bora dhe Heidi shumë shpejt me programe televizive, ja ku do...