Google ADS

Operohet 15-vjeçari i plagosur në Ferizaj, i largohet plumbi nga parakrahu

18:38 | 12 Prill 2024
KRG

Mjeku kujdestar në Spitalin e Ferizajt, Sefedin Fazliu, ka dhënë detaje mbi gjendjen e 15-vjeçarit të plagosur, i cili tashmë është operuar.

Ai tha se 15-vjeçari ka qenë i plagosur në parakrahun e djathtë, ku në radiografi është vërtetuar se i njëjti e ka pasur një plumb në plagë.

“Ortopedi ka intervenuar ku e ka larguar plumbin, i cili i është dorëzuar Policisë së Kosovës dhe pas mobilizimit, pasi ka qenë edhe një frakturë e njërës kockë, është pranuar në repartin e ortopedisë”, tha Fazliu, njofton Klankosova.tv.

Tutje, ai tha se pacienti është jashtë rrezikut për jetë, ndërsa trajtimin po e vazhdon në repartin e ortopedisë.

Këtë të premte, rreth orës 14:40 në Qendrën për Punë Sociale në Ferizaj ka ndodhur një vrasje e një gruaje 21-vjeçare dhe është plagosur vëllai i saj 15-vjeçar.

Policia ka njoftuar se në orën 15:15 ka arritur që ta arrestojë të dyshuarin V.A., 36-vjeçar.

Shpërndaje në rrjete sociale

Lajmet më të lexuara

Të ngjashme

Foto lajm