Operacioni antidrogë i Policisë së Kosovës vë në pranga tre persona të dyshuar, mes tyre dhe një zyrtar policor

09:51 | 29 Tetor 2024
R J

Në një operacion të gjerë antidrogë, Policia e Kosovës, nëpërmjet Drejtorisë për Hetimin e Trafikimit me Narkotikë, ka realizuar një goditje të rëndësishme në luftën kundër abuzimit me substanca narkotike ku ka realizuar operacionin antidrogë të koduar “Freeshopi”.

Gjatë operacionit, janë arrestuar tre persona, përfshirë një zyrtar policor.

Kontrollet kanë rezultuar me gjetjen e rreth 370 gram substancash narkotike, një peshore, tri thika dhe 4870 euro në cash.

Inspektorati Policor i Kosovës është njoftuar për rastin e zyrtarit, dhe hetimet vazhdojnë nga Policia e Kosovës dhe Prokuroria.

Ky operacion thekson angazhimin e policisë në luftën kundër trafikut të drogës dhe mbrojtjen e sigurisë qytetare./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm