Kryeministri i Republikës së Kosovës, Albin Kurti, priti sot në takim Rob Oliphant, Sekretari Parlamentar i Ministrit të Punëve të Jashtme të Kanadasë dhe anëtar i Parlamentit të Kanadasë.
Sipas kryeministrit, në takim u diskutua për thellimin e marrëdhënieve ndërmjet Kosovës dhe Kanadasë. Kryeministri Kurti shprehu mirënjohjen e tij për mbështetjen e pandërprerë të Kanadasë që nga viti 1999, shkruan Arbresh.info.
Ai falënderoi veçanërisht Kanadanë për mbështetjen e saj për anëtarësim të Kosovës në organizatat ndërkombëtare.
Diskutimet u përqendruan rreth bashkëpunimit të mundshëm në sektorë të ndryshëm sikurse energjia e pastër, burimet natyrore, prodhimin e lehtë dhe teknologjinë informative ku Kanadaja ka njohurinë, teknologjinë dhe përvojë të madhe.
Këto fusha u konsideruan me potencial të madh për bashkëpunim, që mund të kontribuojnë në rritjen ekonomike të qëndrueshme dhe përparimin teknologjik në Kosovë.
“Z. Oliphant, duke njohur përparimin e Kosovës, shprehu gatishmërinë e Kanadasë për bashkëpunim të plotë dhe thellim e zgjerim të marrëdhënieve mes dy shteteve tona.”, thuhet në njoftimin e Qeverisë.
Kryeministri Kurti ishte i shoqëruar në takim nga ambasadori i Kosovës në Kanada, Adriatik Kryeziu, kurse z. Rob Oliphant ishte i shoqëruar nga ambasadorja e Kanadasë për Kosovë, Jessica Blitt./Arbresh.info/
Rama flet në samitin e OKB-së: Shqipëria vend i vogël, por k...
Liga e Parë/ Rezultatet dhe tabela pas përfundimit të javës ...
Osmani në West Point: Ushtarët amerikanë, simbol i lirisë pë...
Shqiptarët e Luginës marshojnë nesër kundër diskriminimit
Haaland barazon rekordin e Cristiano Ronaldos
Ekspertët: Qëndrimet e shoqërive po ndryshojnë në favor të p...