Mbrëmë policia e Kosovës ka arrestuar mjekun e QKMF-së në Podujevë, Ibrahim Hoti pasi që i njëjti refuzoi që t’i jap trajtim mjekësor një të moshuari.

Ndaj Hotit u ndërmor edhe masa e suspendimit. E ndaj këtij vendimi ka reaguar Oda e Mjekëve.

Sipas kësaj Ode, ndaj mjekut Hoti është bërë padrejtësi, pasi që nuk i është dhënë mundësia e sqarimit.

Reagimi i plotë:

Reagim ndaj suspendimit dhe arrestimit të Dr. Ibrahim Hotit, mjek pranë QKMF-Podujevë

Oda e Mjekëve të Kosovës e ka ndjekur me shqetësim ngjarjen e ndodhur ditën e djeshme në Qendrën e Mjekësisë Familjare në qytetin e Podujevës. Me këtë rast, OMK vlerëson se anëtarit të saj Dr. Ibrahim Hotit i është bërë padrejtësi duke e suspenduar nga vendi i punës dhe duke e arrestuar pa i ju dhënë mundësia e sqarimit dhe pa u zhvilluar hetime paraprake dhe të nevojshme dhe vërtetuar se a janë respektuar protokolet mjekësore gjatë trajtimit të pacientit në fjalë.

Ky veprim i padrejt i institucioneve të sundimit të ligjit ka bërë që me qindra pacient të mbesin në kohë pandemie pa marrë shërbime dhe trajtim specifik në këtë kohë pandemie.

OMK i bënë thirrje autoriteteve të hetuesisë dhe nivelit komunal të Komunës së Podujevës që para se të ndërmarrin veprime spektakolare duke arrestuar një mjek pa respektuar procedurat verifikuese mbi respektimin e protokoleve mjekësore të bëjë lirimin e menjëhershëm të Dr. Hotit deri në verifikimin e rastit, përndryshe neve si përfaqësues të komunitetit të mjekëve, edhe në kushte pandemie, do të detyrohemi për ndërmarrjen e masave sipas legjislacionit në fuqi.

OMK qëndron fort prapa zbatimit të ligjeve dhe Kodit të deontologjisë mjekësore por edhe në ngritjen e zërit dhe ndërmarrjen e veprimeve në mbrojtjen e komunitettit në rast të ndërmarrjes së masave arbitrare dhe denigruese ndaj kolegëve tonë.

Oda e Mjekëve të Kosovës