Google ADS

OBRM-PDUKM: Zaev po mashtron familjarët e të vrarëve në rastin “Monstra”

10:04 | 22 Prill 2018
Arbresh.info

Partia opozitare maqedonase OBRM-PDUKM, akuzon kryeministrin Zoran Zaev se nuk ka përmbushur atë që ka premtuar, gjegjësisht ka fshehur të vërtetën për rastin “Monstra”.

“Familjarët e viktimave në vrasjen e liqenit të Smillkovës, meritojnë drejtësi. Zaev disa herë e kishte premtuar “të vërtetën” për rastin Monstra. Kishte thënë se ka prova, gjegjësisht biseda telfonike dhe mesazhe që do të kthejnë të vërtetën në këtë rast”, thonë nga OBRM-PDUKM, përcjell Telegrafi Maqedoni.

Nga kjo parti shtojnë se Zaev ka mashtruar familjarët e të vrarëve, si dhe gjithë opinionin, ndërsa nga e vërteta e tij nuk ka asgjë.

“Ai në mënyrë mizore shfrytëzon këtë tragjedi për të mbledhur pikë politike, ndërsa prej kur është zgjedhur kryeministër, ajo që ka ndryshuar është se të akuzuarit janë në liri”, thonë nga OBRM-PDUKM.

Shpërndaje në rrjete sociale

Lajmet më të lexuara

Të ngjashme

Foto lajm