Numërohen votat me kusht, LDK mbetet fituese në Dragash

18:54 | 18 Nëntor 2021
L G

Është duke vazhduar numërimi i 9,313 votave me kusht dhe votave të personave me nevoja të veçanta në Qendrën e Numërimit dhe Rezultateve (QNR), të cilat u takojnë raundit të dytë të zgjedhjeve për kryetarë të 21 komunave  të mbajtur më 14 nëntor.

Edhe pas numërimit të votave me kusht, kandidati i Lidhjes Demokratike të Kosovës (LDK) Bexhet Xheladini vazhdon të kryesojë me vota, kundrejt kandidatit të PDK-së, Shaban Shabani.

Pra sipas njoftimit të KQZ-së kandidati i LDK-së do të jetë kryetar i kësaj komune, shkruan arbresh.info.

Nga votat me kusht LDK ka marrë 121 vota kurse PDK ka marrë 91 vota. Numri i zarfeve të fletëvotimeve me kusht në komunën e Dragashit, sipas të dhënave të KQZ-së, ishte 211.

Numërimi i këtyre votave kishte rëndësi sidomos për rezultatin në Komunën e Dragashit, pasi që kandidati i LDK-së, Bexhet Xheladini, ishte vetëm 143 vota para kandidatit të PDK-së, Shaban Shabani./arbresh.info/

 

 

 

Shpërndaje në rrjete sociale

Lajmet më të lexuara

Të ngjashme

Foto lajm