Pas rritjes së rasteve me coronavirus, ministri i Shëndetësisë, Armend Zemaj ka inspektuar lokalet te “Kafet e Vogla” në Prishtinë.
Ndaj atyre që nuk po i respektojnë rekomandimet anti-Covid, po merren masat përkatëse ligjore.
Të premten, Ministria e Shëndetësisë, ka paralajmëruar se Komiteti për vlerësimin dhe koordinimin e situatës epidemiologjike rreth Covid-19 do të mblidhet nesër për të shqyrtuar propozimet e reja për aplikimin e disa masave me qëllim që të parandalohet përkeqësimi i situatës epidemiologjike që do të mund të çonte te kufizimet ekstreme.
Ministria e Shëndetësisë u bën thirrje qytetarëve të Kosovës që të zbatojnë me kujdes të shtuar masat në fuqi lidhur me kontrollin e situatës epidemiologjike rreth Covid-19.
MSh kërkon nga prindërit që të mos i ekspozojnë fëmijët e tyre në rreziqe për shëndetin duke marrë pjesë në ngjarje të ndryshme të paralajmëruara nëpër rrjete sociale si ato për Halloween, duke e ditur faktin se janë në fuqi vendimet që ndalojnë grumbullime të qytetarëve dhe organizime të ngjashme.
Në Kosovë gjatë 24 orëve të fundit vdiqën katër persona, të cilët ishin të prekur me Covid-19, ndërsa u konfirmuan 418 raste të reja, derisa u shëruan 67 pacientë. /Telegrafi/
Mbrojtësi i viktimave kërkon ta marrë në pyetje Ibishin: Ka ...
Vazhdon protesta e punëtorëve të KEK-ut: Nuk do të ndalemi d...
Murati u takua me Shefin e Misionit të FMN-së për Kosovën, k...
Kurti dënon fuqishëm sulmin në Ankara: Ta luftojmë bashkë te...
Shqipëria ngjitet dy vende në renditjen e FIFA-s për muajin ...
Hamza: Gratë duhet të përfshihen më shumë në tregun e punës,...