Nuk kanë të ndalur, sërish grabitje në Prishtinë

11:23 | 19 Dhjetor 2020
Arbresh.info

Në kryeqytet është grabitur edhe një filial i institucionit financiar për transferta të parave.

Ngjarja ka ndodhur mëngjesin e sotëm në orën 10:30 në kryqëzimin e rrugëve “Edmond Hoxha” dhe “Hajrullah Abdullahu”.

Rastin për portalin arbresh.info e ka konfirmuar zëdhënësi i Policisë së Kosovës, Agron Borovci, i cili thotë se pistat e para tregojnë për një grabitje të armatosur, por që është kryer nga një person i vetëm.

“Pas marrjes së informacionit policia ka dalë në vendngjarje dhe bazuar në informacionet e para  dyshohet që grabitja të jetë kryer nga një person i cili po ashtu dyshohet të ketë qenë I armatosur”, tha Borovci.

Policia ka iniciuar një hetim  lidhur me rastin dhe ka nisur me ndërmarrjen e veprimeve të nevojshme policore me qëllim zbardhjen e rastit.

Këtë vit është rritur numri i grabitjeve në nivel alarmant.

Duket se hajdutët po shfrytëzojnë pandeminë dhe kufizimin e lëvizjes./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm