Sot shënohet njëvjetori i sulmit terrorist në Banjskë të Zveçanit dhe rënia heroike e rreshterit të Policisë së Kosovës, Afrim Bunjaku.
Sulmi terrorist i një viti më parë ndodhi nga një grup i armatosur serb i udhëhequr nga krimineli, Millan Radoiçiq, shkruan Arbresh.info.
Gjatë sulmit u vranë tre terrorist serb si dhe u arrestuan tre të tjerë.
Në kujtim të rënies heroike të Afrim Bunjakut, nën patronatin e kryeministrit të Republikës së Kosovës, Albin Kurti, sot organizohen disa aktivitete.
Në ora 09:00, do të ketë vizita te familja e Heroit Afrim Bunjaku, në orën 09:30 do të bëhen homazhe te varri i Heroit Afrim Bunjaku dhe vendosen kurora me lule, si dhe do të bëhet përurimi i rregullimit të pllakës dhe varrit të heroit.
Po ashtu në shënim të kësaj ditë nga ora 15:00, mbahet akademia Përkujtimore në sallën e Kuqe, Pallati i Rinisë- Prishtinë.
Ndryshe, sulmin terrorist e kanë dënuar liderët botëror dhe bashkësia ndërkombëtare.
Po ashtu, javë më parë Prokuroria Speciale e Kosovës ka ngritur aktakuzë kundër 45 personave, të dyshuar për pjesëmarrje në sulm./Arbresh.info
Kurti: Nderojmë e kurrë nuk harrojmë sakrificën e heroit Afr...
Osmani: Afrim Bunjaku ra dëshmorë për të treguar edhe një he...
Rama ndan projektin e shkollës profesionale “Arben Broci” në...
Zelensky: Jemi afër përfundimit të luftës
Një vit nga sulmi në Banjskë, Sveçla: Serbët po përgatiten t...
Njëvjetori i rënies heroike, Sindikata e Policisë përkujton ...