Një muaj paraburgim Tush Frrokut, i dyshuar për vrasjen në Klinë

20:56 | 16 Gusht 2023
K.B

Gjykata Themelore në Pejë ka caktuar masën e paraburgimit në kohëzgjatje prej 30 ditësh ndaj të dyshuarit Tush Frroku, për vrasjen e A.P., në një lokal në Klinë.

Lajmin për Arbresh.info e ka konfirmuar zëdhënësja e Gjykatës Themelore në Prishtinë, Tringa Zhuti.

Frroku dyshohet se ka kryer veprat penale “Vrasja e rëndë” ,”Mbajtja në pronësi, kontroll ose posedim të paautorizuar të armëve”, “Shtrëngimi” dhe “Marrja në posedim e pasurisë së luajtshme”.

Ngjarja ka ndodhur në një lokal në qendër të Klinës, ku i dyshuari kishte hyrë dhe kishte gjuajtur disa herë në drejtim të viktimës, duke e lënë të vdekur.

Pas vrasjes Frroku ishte në arrati deri në ditën e djeshme ku edhe u vetëdorëzua në Polici.

Shpërndaje në rrjete sociale

Lajmet më të lexuara

Të ngjashme

Foto lajm