Një i moshuar dyshohet se ka plagosur dy gra në Fushë Kosovë

12:25 | 28 Janar 2023
A. B.

Dy gra kanë mbetur të plagosura në Fushë Kosovë.

Lajmin për arbresh.info e ka konfirmuar nga zëdhënësja e Policisë për rajonin e Prishtinës, Flora Ahmeti.

“Sot rreth orës 11:45, policia ka marrë informatën për një plagosje me armë zjarri të ndodhur në rrugën ” Besa Besë” në Fushë Kosovë”, tha ajo.

“Menjëherë pas marrjes së informatës policia ka dalë në vendin e ngjarjes dhe ka ndërmarrë të gjitha veprimet e nevojshme që konsistojnë në hetimin e rrethanave që karakterizojnë ngjarjen”, tha Ahmeti.

“Bazuar në të dhënat fillestare dyshohet se nga një person i dyshuar, me armë zjarri janë plagosur dy persona (të dyja të gjinisë femërore), të cilat janë dërguar për tretman mjekësor”, përfundoi Ahmeti.

Hetuesit policor në koordinim me prokurorinë, po ndërmarrin veprimet hetimore për arrestimin e personit të dyshuar ( i cili është identifikuar) si dhe ndriçimin e plotë të rastit. /arbresh.info/

lexo edhe:

Plagosje në Fushë Kosovë

Shpërndaje në rrjete sociale

Lajmet më të lexuara

Të ngjashme

Foto lajm