Nitaj: Opozita ishte e interesuar të dështojë rezoluta për dialogun

21:18 | 2 Nëntor 2018
M. A.

Deputeti i Kuvendit të Kosovës nga radhët e Aleancës për Ardhmërinë e kosovës, Muharrem Nitaj, ka bërë fajtore opozitën për dështimin e rezolutës për dialogun me Serbinë.

Në një intervistë për gazetën ‘Epoka e Re’, ai ka thënë se Lidhja Demokratike e Kosovës dhe Lëvizja Vetëvendosje nuk ishin të interesuara të arrijnë konsensusin për këtë çështje, duke shtuar se këto subjekte në mënyrë të pashpjegueshme kanë refuzuar propozimet e pozitës për plotësimin e kësaj rezolute.

Nitaj ka thënë se nuk e ka kuptuar mungesën e liderit të VV’së, Albin Kurti, në votimin e rezolutës.

Ai ka treguar se pozita nuk do të ndalet se kërkuari konsensus kombëtar për fazën finale të dialogut Kosovë-Serbi.

Kurse sa i përket kërkesës së opozitës për zgjedhje të reja, Nitaj ka thënë se edhe 100 herë po të mbahen zgjedhjet, situata do të jetë e njëjtë.

 

Shpërndaje në rrjete sociale

Lajmet më të lexuara

Të ngjashme

Foto lajm