Kryeministri i Maqedonisë së Veriut, Dimitar Kovaçevski sot kishte takim online me presidentin serb, Aleksandar Vuçiq dhe me kryeministrin e Shqipërisë, Edi Rama ku u diskutua për hapat e ardhshët të përbashkët dhe për Ballkanin e Hapur.
Sipas njoftimit të qeverisë, tre liderët janë dakorduar që Samiti i ardhshëm i Ballkanit të Hapur të mbahet në gjysmën e parë të muajit qershor në Ohër, ndërsa në fillim të shtatorit, bashkërisht do të organizojnë Panair të madh turistik për venë dhe ushqim në Serbi nga ku prodhuesit nga Maqedonia e Veriut, Shqipëria dhe Serbia do të kenë mundësi t’i prezantojnë prodhimet e tyre.
Në Samitin e Ohrit, sipas njoftimit të qeverisë, do të nënshkruhen marrëveshje të rëndësishme dhe memorandume për bashkëpunim në sferën e kulturës, turizmit dhe ekonomisë.
“Në takimin e sotëm u theksua se Ballkani i Hapur mbetet i hapur për Malin e Zi, Kosovën dhe Bosnjën dhe Hercegovinën”, thuhet në fund të njoftimit./Telegrafi/
Moti i keq me reshje shiu në Shqipëri, apel shoferëve për ku...
Tërmet në Gjirokastër
Putin paralajmëron se Rusia do të vazhdojë të testojë raketë...
Shqiptarët në Maqedoninë e Veriut shënojnë Ditën e Alfabetit
Aksident me fatalitet në Krushë të Madhe, vdes një këmbësor
Reagon për herë të parë Diana pas largimit nga Big Brother V...
Skip to content
