Google ADS

Nis seanca, tërhiqet nga rendi i ditës Projektligji për arsimin e lartë

10:37 | 30 Mars 2017
Arbresh.info

Në fillim të seancës së sotme të Kuvendit të Kosovës është kërkuar heqja nga rendi i ditës të Projektligjit nr. 05/L- 074 për arsimin e lartë në Republikën e Kosovë.

Kërkesën e ka bërë deputeti i PDK-së, Nait Hasani ndërkohë që atë e ka përkrahur vetëm partneri i koalicionit, LDK-ja, shkruan arbresh.info.

Ndërkaq, partitë opozitare e kanë quajtur të pakuptimtë tërheqjen e këtij projektligji duke e konsideruar atë si shumë të rëndësishëm.

Ministri i Arsimit, Arsim Bajrami ka thënë se ka më shumë se një vit që ky projektligj po tërhiqet nga rendi i ditës, pasi siç tha, në fillim për shkak të bojkotit të opozitës e më pas të Listës Serbe.

Propozimi i Hasanit ka marrë miratimin e shumicës së deputetëve dhe Projektligji i është kthyer Komisionit përkatës./Arbresh.info.

Shpërndaje në rrjete sociale

Lajmet më të lexuara

Të ngjashme

Foto lajm