Google ADS

Ngritet aktakuza e gjashtë me radhë për sulme seksuale gjatë luftës në Kosovë

14:57 | 4 Tetor 2023
L G

Prokuroria Speciale e Republikës së Kosovës (PSRK), ka ngritur sot aktakuzë për veprën penale ‘’Krimet e luftës kundër popullsisë civile’’.

Sipas njoftimit të PSRK-së, aktakuza është ngritur në Gjykatën Themelore në Prishtinë – Departamentin Special, kundër të pandehurit Z.V, raporton Arbresh.info.

“Prokuroria Speciale njofton se aktakuza kundër të pandehurit me iniciale Z.V. është ngritur për shkak të veprës penale ‘’Krimet e luftës kundër popullsisë civile’’ nga neni 142 të Kodit penal të Jugosllavisë ( i cili ishte në fuqi në kohën e kryerjes së veprës penale), aktualisht e inkriminuar si Krimet kundër njerëzimit nga neni 143 paragrafi 1 nën paragrafi 1.7 të Kodit Penal të Republikës së Kosovës”, thuhet në njoftimin e prokurorisë.

Kjo, sipas prokurorisë, është aktakuza e gjashtë e Prokurorisë Speciale për dhunë seksuale gjatë luftës në Kosovë, prej të cilëve dy janë në praninë e të pandehurit dhe katër për gjykim në mungesë./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm