Ngec zbatimi i Ligjit për Trepçën, ndërmarrja në gjendje të rëndë financiare

07:48 | 27 Gusht 2018
Arbresh.info

Dy problemet e mëdha të Trepçës nuk po mund t’i zgjidhë as Qeveria Haradinaj. Rimëkëmbja e gjigantit të dikurshëm metalurgjik dhe bashkimi i dy pjesëve – asaj veriore dhe jugore – është larg së realizuari.

Aktualisht Trepça është në gjendje të rëndë financiare, ndërsa menaxhmentet e dy pjesëve nuk kanë asnjë komunikim mes vete, shkruan sot Koha Ditore.

Ushtruesi i detyrës së drejtorit menaxhues të Trepçës, Miftar Hyseni tregon se ka rënie të prodhimit në Trepçë në krahasim me vitin e kaluar. Arsyeja për këtë, sipas tij, është mungesa e fuqisë punëtore të aftë për punë.

Hyseni tregon se që nga viti 2013, në “Trepçë” nuk ka pasur punësime të reja, ndërsa barrën kryesore të prodhimit tani e bartë mosha e punëtoreve prej 62 deri në 65 vjet.

Sipas, Hysenit, punësimet e reja dhe investimet në “Trepçë” nuk po mund të realizohen për shkak se ndërmarrja aktualisht është në boshllëk institucional.

 

Shpërndaje në rrjete sociale

Lajmet më të lexuara

Të ngjashme

Foto lajm