Google ADS

Nga marsi, fëmijët në kryeqytet mund të vlerësohen falas nga psikologu, logopedi dhe ergoterapeuti

21:55 | 21 Shkurt 2024
E.H

Komuna e Prishtinës njofton se nga muaji mars të këtij viti, të gjithë fëmijët e kryeqytetit mund të vlerësohen falas nga psikologu, logopedi dhe ergoterapeuti në Qendrën Kryesore të Mjekësisë Familjare në Prishtinë.

Në njoftim thuhet se vlerësimet do të bëhen nga ekipet e profesionistëve dhe përfshihen vlerësimet e aftësive të përgjithshme, komunikuese si dhe psikosociale të fëmiut, përcjell Arbresh.info.

“Vlerësimi multidisiplinar- përfshinë vlerësimin e aftësive të përgjithshme, komunikuese si dhe psiko-sociale të fëmiut. Ky vlerësim do të bëhet nga një ekip e profesionistëve ku përfshihet psikologu, logopedi dhe ergoterapeuti. Më pas ky ekip profesionistësh mund të adresojë nevojat e pacientit, nëse duhet trajtim tutje”, thuhet në njoftim

“Prindër, edukatorë dhe mësues, ju lutemi nëse vëreni që fëmijët kanë nevojë për vlerësim të tillë, orientohuni për termin në QKMF- Prishtinë”, thuhet në njoftim./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm