Google ADS

Nga 1 qershori do të bllokohet një pjesë e rrugës Kaçanik-Hani i Elezit, shkak hekurudha nga Fushë Kosova

16:23 | 28 Maj 2024
E.K

Ministria e Infrastrukturës ka njoftuar se duke filluar nga data 1 qershor, do të bllokohet për qarkullimin e automjeteve një pjesë e segmentit të rrugës nacionale N2, Kaçanik – Hani i Elezit.

Sipas njoftimit të Ministrisë, bllokimi do të bëhet për shkak të disa punimeve në hekurudhë.

“Ju njoftojmë se duke filluar nga data 1 qershor 2024, do të bllokohet për qarkullimin e automjete një pjesë e segmentit të rrugës nacionale N2, Kaçanik- Hani i Elezit. Bllokimi i këtij segmenti bëhet për arsye të zhvillimit të punimeve në hekurudhë-pjesa jugore e hekurudhës 10 (Fushë Kosovë- Hani i Elezit)”, thuhet në njoftim.

Gjithashtu thuhet se nëpër autostradën “Arbën Xhaferi” do të mund të qarkullojnë automjetet e rënda që kalojnë transit në Kaçanik, ndërsa automjetet e tjera mund ta shfrytëzojnë bajpasin e ndërtuar në rrugën “Agim Bajrami” .

Bëhet e ditur se ky vendim hyn në fuqi nga sot dhe do të mbetet në fuqi deri në njoftimin e radhës./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm