Pas Komunës së Mitrovicës, Vushtrrisë dhe asaj të Skenderajt, nga 1 marsi pritet që dita e diel të jetë ditë pushimi edhe për bizneset që operojnë në Komunën e Podujevës.
Nënkryetari i kësaj komune, njëherësh edhe kandidat për kryetar nga radhët e LDK’së, Nexhmi Rudari, përmes një postimi në Facebook, ka njoftuar se sipas kësaj rregulloreje, do të ketë edhe disa përjashtime.
Ndërkaq kjo rregullore është miratuar dhe do të zbatohet nga data 1 mars, e këtij viti.
Njoftimi i plotë i Rudarit:
“Të nderuar qytetarë, Pas kërkesave të vazhdueshme të qytetarëve dhe përfaqësuesve të subjekteve afariste, që operojnë në Komunën e Podujevës, për rregullimin e orarit të punës, ju njoftoj se tashmë kemi miratuar Rregulloren për orarin e punës së bizneseve që operojnë në territorin e Komunës së Podujevës.
Ky dokument, është hartuar pas konsultimeve të shumta, ku janë marrë për bazë dhe janë përfshirë të gjitha propozimet, sugjerimet dhe kërkesat e qytetarëve, përfshirë edhe subjekteve afariste dhe ato të dala nga asamblistët e Kuvendit të Komunës.
Komuna e Podujevës ka bërë të gjitha përgatitjet dhe kjo Rregullore do të fillojë të zbatohet nga data 01.03.2020”.
Kontingjenti i dytë i karabinierëve moldavë i bashkohet KFOR...
ShBA, “nxehet” fushata/ Trump e Harris shtojnë akuzat e ndër...
Ish-ylli i Liverpoolit do të largohet nga klubi i ri pasi re...
Rivitalizohet parku Drilon – Tushemisht, Rama: Gjerdan për e...
Kuba në terr, pas dështimit të rrjetit elektrik
Njohësit politikë skeptik se takimi i ri në Bruksel do të ja...