Nesër nis gjykimi për vrasjen e Aulon Zekës

15:20 | 5 Dhjetor 2017
L G

Dy të miturit G.H dhe R.G, të dyshuar për vrasjen e  16 vjeçarit Aulon Zeka, do të paraqiten nesër para trupit gjykues të Gjykatës Themelore në Prishtinë, për tu përballur me akuzat për vrasje.

Gjykimi sipas burimeve të portalit Arbresh.info do të nis të mërkurën nga ora 9:00, dhe do të jetë i mbyllur për media.

Ndërkohë, Prokuroria Themelore e Prishtinës, Departamenti për të Mitur i Prokurorisë Themelore në Prishtinë ka propozuar dënim me burgim për dy të mitur, si të dyshuar për vrasjen e Aulon Zekës.

Ndryshe, 16 vjeçari Aulon Zeka është gjetur i vdekur në mëngjesin e  15 shtatorit  rreth orës 11:00, në rrugën “Gjon Sereqi” në Prishtinë.  I ndjeri ishte qëlluar me katër plumba në trup. /Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm