Ministria e Industrisë, Ndërmarrësisë dhe Tregtisë (MINT) në bashkëpunim me Agjencinë e Luksemburgut për Bashkëpunim Zhvillimor (LuxDev) nesër do të mbajnë sesion informues për bizneset e interesuara për aplikim në Skemën e Granteve për Inovacion.
Sipas njoftimit, gjatë sesionit, pjesëmarrësit do të mund të bëjnë pyetje për të gjitha aspektet dhe kriteret e kërkuara nga pakoja e thirrjes publike për Skemën e Granteve për Inovacion, të shpallur më 08 tetor 2024, shkruan Arbresh.info.
“Njoftohen bizneset e Republikës së Kosovës, si dhe mediat se të enjten do të mbahet një sesion informues për bizneset e interesuara për aplikim në Skemën e Granteve për Inovacion, e shpallur nga Ministria e Industrisë, Ndërmarrësisë dhe Tregtisë në bashkëpunim me Agjencinë e Luksemburgut për Bashkëpunim Zhvillimor (LuxDev). Skema zbatohet përmes KIESA dhe Projektit KSV/023 – Rritja e qëndrueshme dhe gjithëpërfshirëse për bizneset fillestare Start-Up dhe NMVM-të në Republikën e Kosovës.”, thuhet në njoftim.
Sesioni informues do të mbahet në ora 13:00 te Qendra e Inovacionit dhe Ndërmarrësisë, Laboratorët e Fakultetit të Inxhinierisë Mekanike./Arbresh.info/
Haxhiu: Lufta hibride ndaj VV-së po vazhdon
Fergusonit i kërkohet që të qëndrojë larg dhomave të zhveshj...
Turqia goditet nga dy tërmete të njëpasnjëshme
Rutte: Dialogu nuk ecën përpara ashtu siç ne do të donim
UEFA e dënon Rumaninë me para, në ndeshjen ndaj Kosovës një ...
Rutte mbledh për herë të parë ministrat e Mbrojtjes të NATO-...