Në veri të vendit konfiskohen dy armë të gjata, një elektroshok dhe një sasi e municionit

12:36 | 21 Prill 2024
K.B

Policia e Kosovës, me datën 21.04.2024 rreth orës 10:30, si rezultat i angazhimeve të saja ka pranuar një informacion se në Zveçanin e Vogël, në një shtëpi dyshohet për armë ilegale.

Përmes një komunikate për medie, Policia e Kosovës bën të ditur se me autorizimin e prokurorit kujdestar, zyrtarët policorë sipas procedurave të parapara, kanë realizuar një operacion të kontrollit të një shtëpie, në tavanin e së cilës janë gjetur dhe konfiskuar dy armë zjarri AK-47, disa karikatorë, një sasi e municionit dhe një elektroshok.

“Policia e Kosovës posedon informacione lidhur me personin e dyshuar, mashkull serb, të cilit i përket shtëpia e banimit e i cili dyshohet se gjendet në Serbi. Vlen të potencohet se ky rast nuk ndërlidhet me procesin e votimit, për apo kundër largimit nga funksioni i kryetarëve të komunave të Mitrovicës së Veriut, Zubin Potokut, Leposaviqit dhe Zveçanit”, thuhet në komunikatë

Shpërndaje në rrjete sociale

Lajmet më të lexuara

Të ngjashme

Foto lajm