Në QNR përfundon numërimi i votave me postë dhe rinumërimi i 8 kutive të votimit

22:40 | 27 Tetor 2017
M. A.

Në Qendrën e Numërimit dhe të Rezultateve është përmbyllur rinumërimi i 8 kutive të votimit, sipas vendimit të Komisionit Qendror të Zgjedhjeve i marrë të premten.

Zëdhënësi i Komisionit Qendrore të Zgjedhjeve, Valmir Elezi, tha  se për rinumërimin e tyre është vendosur pasi këto kuti votimi nuk kanë mundur të kalojnë auditimin për shkak të mospërputhjes.

“Gjithashtu ka përfunduar edhe numërimi i votave të cilat kanë ardhur përmes postës. Tashmë kanë mbetur që të numërohen votat me kusht dhe ato të personave me nevoja të veçanta”, ka thënë ai.

Sipas Elezit, rezultatet e rinumërimit dhe rezultatet e votave me postë do të publikohen në faqen e KQZ-së.

Shpërndaje në rrjete sociale

Lajmet më të lexuara

Të ngjashme

Foto lajm