Në Shërbimin Klinik të Kardiokirurgjisë, nga dita e djeshme po qëndron për vizitë pune, drejtori i Kardiokirurgjisë së Spitalit Universitar të Cyrihut dhe njëkohësisht udhëheqës i Alliances për Kardiokirurgji (Spitali Universitar i Cyrihut, Spitali i qytetit te Cyrihut dhe Spitali kantonal i Cyrihut) Prof. dr. Omer Xhemaili.
Përmes një njoftimi për media nga SHSKUK, thuhet se ai është pritur në takim nga ministri i Shëndetësisë, Arben Vitia, drejtori i përgjithshëm i ShSKUK-së, Elvir Azizi, u.d. drejtori i QKUK-së, Osman Hajdari dhe dr. Ardian Shefkiu, të shoqëruar nga Dr. Shpejtim Shurdhiqi, drejtor i Shërbimit Klinik të Kardiokirurgjisë.
Gjatë takimit u vlerësua kontributi dhe përkrahja e profesor Xhemailit, e cila do t’i shërbejë edhe për kardiokirurgët e QKUK-së.
“Profesor Xhemaili së bashku me stafin e Shërbimit Klinik të Kardiokirurgjisë të udhëhequr nga Drejtori i klinikës, Dr. Shurdhiqi kanë realizuar me suksese riparimin e valvulës mitrale tek disa pacientë përmes metodës minimale invazive endoskopike, metodë që realizohet përmes një prerje rreth 5 centrimetra, në hapësirat ndër brinjore duke bërë riparimin apo ndërrimin e valvulës, pa pasur nevojë të hapet dërrasa e gjoksit-sternumi”, thuhet në njoftim.
Tutje thuhet se kontributi dhe gatishmëria e Profesor Xhemailit në trajnimin e stafit të Kardiokirurgjisë me këto metoda minimale invazive paraqesin hap drejt zhvillimit të Kardiokirurgjisë me metoda të avancuara, të cilat në të ardhmen do të shtohen në numrin e procedurave operative kardiokirurgjike në QKUK./Arbresh.info/
Begaj nisë vizitën zyrtare në Itali, bashkë me presidentin M...
Ish-presidenti amerikan Jimmy Carter hedh votën për zgjedhje...
“Ta fal”, publikohet bashkëpunimi i parë nga Romeo Veshaj dh...
Mosmarrëveshje mes Davide dhe Carlo Ancelotti në lidhje me y...
Supremja e hedh poshtë kërkesën e Shalës për rishikim të ven...
Publikohet “Ditëlindja” nga Yll Limani