Në Kosovë rritet numri i përdoruesve të drogës nën moshën 18 vjeç

23:23 | 14 Mars 2017
M. A.

Tre deri në pesë mijë persona llogaritën të jenë përdorues të rregullt të lëndëve narkotike në Kosovë. Në mesin e tyre dominojnë nxënësit e shkollave fillore dhe të mesme.
Shqetësues është fakti se përdoruesit e lëndëve narkotike po shtohen tek moshat e reja, 16 vjeçare, për dallim nga vitet paraprake që printe mosha 21 vjeçare.

Sipas drejtorit të qendrës rehabilituese Labirinthy, përdorimi i narkotikëve të rëndë si heroina ka shënuar rënie jashtëzakonisht të madhe.

“Droga e tipit heroin ka rënë dukshëm posaçërisht 3 vjetët e fundit”, tha ai për Tribuna Channel.

Thotë se në këtë gjendje alarmante të përdorimit të drogës, elementi pozitiv është se lëndët narkotike nuk kultivohen me të madhe në vend por vijnë nga vendet e tjera.

Ndërsa, Bajram Nuhiu, toger i Departamentit për substance narkotike, ka thënë se Policia e Kosovës gjatë periudhës Janar- Mars të këtij viti, ka ndërmarrë 244 operacione policore që lidhen më droga, nga ku janë arrestuar 263 persona.

Shpërndaje në rrjete sociale

Lajmet më të lexuara

Të ngjashme

Foto lajm