Në gjykimin ndaj Fisnik Ismailit, mungon gjyqtari

18:22 | 19 Qershor 2017
Arbresh.info

Ish-deputeti i Lëvizjes Vetëvendosje akuzohet për dy bombola të gazit lotsjellës, të cilat i janë gjetur të fshehura në këpucë duke hyrë në Kuvendin e Kosovës.

Seanca e sotme u shty për shkak se mungoi gjyqtari i rastit, Vesel Ismajli, për të cilin u tha se gjendet jashtë vendit në udhëtim zyrtar.

Fisnik Ismaili akuzohet për veprën penale mbajtje në pronësi, kontroll apo posedim i paautorizuar i armëve.

Sipas Prokurorisë, Fisnik Ismailit më 30 nëntor të vitit 2015, rreth orës 10:45, pas kontrollit nga Policia e Kosovës në hollin e Kuvendit të Kosovës i janë gjetur dy bombola me gaz lotsjellës, të fshehura në këpucët e tij.

Aktakuza thotë se tendenca e Ismajlit kishte qenë t’i fuste bombolat me gaz lotsjellës në sallën plenare të Kuvendit të Republikës së Kosovës. /Gazeta Metro/

Shpërndaje në rrjete sociale

Lajmet më të lexuara

Të ngjashme

Foto lajm