Në gjashtëmujorin e parë të vitit në QKUK janë vendosur 996 stenta te pacientët

13:24 | 2 Nëntor 2021
A. B.

Shërbimi Spitalor Klinik e Universitar i Kosovës ka bërë të ditur se kardiologët invazivë në Qendrën Klinike Universitare të Kosovës kanë vendosur 996 stenta te pacientët gjatë pjesës së parë të vitit 2021.

Sipas SHSKUK-së, në sallat e Kardiologjisë Invazive, brenda 6 muajve janë kryer edhe 1 mijë e 736 procedura të koronarografisë.

“Në mesin e shumë procedurave tjera kardiologjike, mjekët kardiologë invaziv kanë ofruar edhe 303 shërbime të ekoradiografisë dhe kanë realizuar edhe 4 Ekokardiografi Transezofageale”, thuhet tutje nga SHSKUK.

Sipas këtij Shërbimi, pas qetësimit të situatës me COVID-19, Kardiologji invazive po kryhen edhe rastet e planifikuara të koronarografive dhe stentimeve. /arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm