Një nga themeluesit e Radios Kosova e Lirë, e cila ishte edhe zëri i Ushtrisë Çlirimtare të Kosovës (UÇK), Basri Beka, në 22 vjetorin e hapjes së kësaj radioje, ka kujtuar me krenari punën që ka bërë ai me shokët e tij përmes transmetimit të këtij mediumi në atë kohë.

“Sot njëzetedy vite me pare filloi transmetimin i Radios Kosova e Lire, tash pas njëzetedy viteve ndjehem krenar dhe mirë po ashtu kujtojë dhe jam falënderues. Unë Basri Beka ( Feniksi), isha ideatori dhe realizuesi së bashku me shokët e mije të njësitit ‘’Feniks’’ dhe bashkëluftëtar të tjerë që kontribuan në këtë projekt madhor të UÇK-së”, ka shkruar ai në Facebook, raporton arbresh.info.

Sipas tij, Radio Kosova e Lirë ishte bërë zëri i nevojshëm i UÇK-së.

Ai, thotë se atdheu duhet t’i jepet çdo gjë dhe të mos i merret asgjë.

“Ndjehem krenar që si një djalë i ri, pata vizionin bashke me shokët e mije t’i japim luftës çlirimtare zërin e nevojshëm dhe të domosdoshëm për çlirim. Ndjehem shumë mire që sot e njëzetedy vite si ideatori dhe drejtuesi i këtij projekti, as edhe njëherë të vetme nuk e përdora dhe as nuk dua ta përdor për të përfituar nga kjo vepër madhore e imja dhe UÇK-se, sepse unë edhe sot pas njëzetedy viteve mendoj se atdheut duhet t’i jepet çdo gjë dhe të mos i merret asgjë”, është shprehur Beka.

Beka ka kujtuar edhe disa ish-bashkëluftëtarë e tij , të cilët nuk jetojnë më.

“Sot në ketë përvjetor të Radio Kosova e Lire, duke mos dashur të i përmend me emër të gjithë ata që i angazhova dhe u angazhuan në jetësimin e kësaj vepre, dua të kujtoj disa nga shokët qe ishin të angazhuar dhe sot nuk janë ne mesin tone : Profesorë, Muhamet Mehmeti, Bedri Rama, Islam Berisha, Sylejman Gashi , nder respekt dhe lavdi për punën e tyre”, ka shkruar ai./arbresh.info/