Google ADS

Ndërtuesi i rrugës prish kabllon, bizneset mbeten pa rrymë

11:32 | 29 Maj 2018
Arbresh.info

KEDS njofton se disa biznese në lagjen Veternik që nga ora e 9-të kanë mbetur pa rrymë.

Viktor Buzhala, zëdhënës i KEDS-it nëpërmjet një komunikate njofton se sot pak para orës, kontraktori i Ministrisë së Infrastrukturës që po merret me zgjerimin e rrugës Prishtinë- Gjilan, ka prishur kabllon nëntokësore nr. 28 nga nënstacioni Prishtina 7 që furnizon disa biznese të rëndësishme në Veternik. Pa energji elektrike kanë mbetur konsumatorët nga Gorenja deri tek Viva Fresh-i. Prishja është e komplikuar dhe duhen disa orë deri në sanimin e saj.

“Kjo është hera e dytë që i njëjti kontraktor shkakton prishje brenda pak ditëve. KEDS kërkon nga punëkryerës të ndryshëm që të kenë kujdes të madh gjatë kryerjes së punimeve. Ata duhet të punojnë në bazë të udhëzimeve detaje që sigurohen nga KEDS në mënyrë që të evitohen prishje të tilla, pasi dëmet janë të konsiderueshme, si për kompaninë, ashtu edhe për konsumatorët”, thuhet në komunikatë.

Shpërndaje në rrjete sociale

Lajmet më të lexuara

Të ngjashme

Foto lajm