Afër një muaj pasi Kuvendi i Kosovës miratoi ligjet që Forcës së Sigurisë së Kosovës i kanë dhënë mandat ushtarak, NATO-ja ende nuk ka vendosur se çfarë marrëdhënie do të ketë me FSK-në.
Aleanca Veri-Atlantike, që është deklaruar kundër ushtrisë së Kosovës në këtë kohë, ka thënë për Kohavisionin se NATO-ja duhet ta rishqyrtojë nivelin e angazhimit me FSK-në, raporton KTV.
Por, në Ministrinë e Mbrojtjes janë të bindur se NATO-ja nuk do ta zvogëlojë nivelin e angazhimit të saj në Kosovë. Aty thonë se nëse ky nivel nuk rritet, të paktën do të mbetet i njëjtë me atë që është tani.
NATO-ja i ka thënë KTV-së se tranzicioni i FSK-së në ushtri është në kundërshtim me këshillat e shumë aleatëve të NATO-s dhe se mund të ketë pasoja serioze për integrimin e Kosovës në strukturat euro-atlantike.
Mirëpo, për zëvendësministrin e FSK-së, Burim Ramadanin, kjo deklaratë nuk përbën kërcënim për të ardhmen e Kosovës.
Rruga specifike, për Ramadanin, nënkupton shmangien e vetos nga shtetet anëtare të NATO-s që nuk e njohin shtetësinë e Kosovës.
Në anën tjetër, NATO-ja ka përsëritur se KFOR-i do të vazhdojë misionin për të siguruar një mjedis të sigurt në Kosovë.
Pse këto dy shenja të horoskopit janë gjithmonë në qendër të...
Përfshihet nga zjarri një banesë në Fier
Barça deklason Bayern, Atletico bie nga Lille, Inter fiton m...
Mbretëri e Bashkuar, vdekjet nga kokaina u rritën 30%
Mbrojtja Civile e Gazës thotë se tre punëtorë të saj u plago...
“Prishet miqësia”, përplasje e fortë mes Vullnetit dhe Gresë...