Nasim Haradinaj: Tek mbrëmë kam folur me familjarët

15:43 | 29 Shtator 2020
M. A.

Ka nisur paraqitja e parë e nënkryetarit të OVL së UÇK-së, Nasim Haradinaj para Dhomave të Specializuara në Hagë.

Haradinaj para gjykatës ka thënë se i është dhënë mundësia ta kontaktojë me familjen me vonesë, raporton arbresh.info.

“Familja u njoftua përmes medieve për arrestimin tim… Uroj të ketë qenë pa qëllim”, ka thënë ai.

Haradinaj tha se mbrëmë ka folur me familjen e tij.

“Kam fol 3 4 ditë më vonesë. Për ardhjen time këtu është marrë vesh më vonë”, tha Haradinaj.

Haradinaj është pyetur nëse i është dorëzuar fletarrestimi, të cilës gjë i është përgjigjur në mënyrë pohuese.

Më pas janë lexuar edhe arsyet e arrestimit të tij, përkatësisht dyshimet se Haradinaj “është përgjegjës penalisht për këto vepra: frikësim, hakmarrje dhe shkelje e fshehtësisë së procedurës”, ka bërë të ditur gjatë seancës gjyqtari i procedurës paraprake, Nicolas Guillou./arbresh.info/

 

 

Shpërndaje në rrjete sociale

Lajmet më të lexuara

Të ngjashme

Foto lajm