Google ADS

Nagavci përkujtoi dëshmoren e lirisë Elfete Humolli

15:29 | 1 Shkurt 2023
K.B

Në 33-vjetorin e rënies së dëshmores së lirisë Elfete Humolli, ministrja e Arsimit, Arbërie Nagavci ka bërë homazhe te kompleksi memorial në Lupç të Poshtëm.

Në përkujtim të rënies së heronjve Elfete e Mentor Humolli u shpalos sot pllaka përkujtimore e dy dëshmorëve të rënë për liri.

“Elfete Humolli u vra më 1 shkurt të vitit 1990, nga forcat serbe në fshatin e saj në Lupq të Podujevës. Atë kohë Elfetja ishte nxënëse e shkollës së mesme ekonomike ku bashkë me mijëra qytetarë të kësaj ane, po demonstronin për lirinë e Kosovës”, ka shkruar Nagavci.

Ndërkaq, vëllau i saj Mentori ra dëshmor më 21 mars 1999, gjatë luftimeve në Koshare. Lavdi jetës dhe veprës së Elfetes, Mentorit dhe gjithë dëshmorëve të rënë për liri, ka shkruar më tej ajo në Facebook. /arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm