Nagavci: Është bërë pagesa për tekste shkollore për grupin e parë të aplikuesve

16:07 | 31 Gusht 2023
E.G

Ministrja e Arsimit, Shkencës, Teknologjisë dhe Inovacionit (MASHTI), Arbërie Nagavci ka njoftuar se sot ka përfunduar procedura e pagesës për grupin e parë të aplikuesve deri më 29 gusht për furnizim me tekste dhe materiale shkollore.

Sipas Nagavcit, numri i tyre është mbi 81 mijë, shkruan Arbresh.info.

Ndërkaq, siç bëri të ditur ministrja deri më tani janë bërë 115 mijë aplikime ndërsa pjesa tjetër e mbetur do të trajtohet me grupin e radhës.

Nga të gjitha këto aplikime, janë identifikuar vetëm 75 raste me gabime.

“Sikurse kemi njoftuar edhe më herët, aplikimi do të jetë i hapur gjatë gjithë muajit shtator në mënyrë që të sigurohemi që asnjë nxënës për çfarëdo arsye të mos mbetet pa tekste shkollore.”, tha Nagavci.

“Ju sigurojmë se çdo rast i adresuar do të trajtohet me prioritet dhe do të ofrohet ndihma e nevojshme për aplikim dhe përfitim të këtyre mjeteve.”, përfundoi ministrja e Arsimit. /Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm