Ministrja e Arsimit, Arbërie Nagavci, ka thënë se edukimi në fëmijërinë e hershme, është tregues kyç i shëndetit dhe ekonomisë së një vendi, ndërsa e ka konsideruar edhe faktor thelbësor në zhvillimin e qëndrueshëm.
Ministrja Nagavci, në lansimin e Skemës së Kuponëve “Mbështetje për pjesëmarrjen e fëmijëve të cenueshëm në shërbimet e kujdesit dhe fëmijërisë së hershme”, që financohet nga Fondi i Mësimit të Hershëm i Bankës Botërore, ka thënë se kjo ditë shënon një etapë të rëndësishme në punën drejtë ofrimit të shërbimeve në fëmijërinë e hershme.
“Jemi bashkërisht në këtë ditë kur po shënojmë një etapë të rëndësishme në punën drejtë ofrimit të shërbimeve në fëmijërinë e hershme, e cila prek drejtpërdrejt jo vetëm fëmijët dhe i ndihmon ata në zhvillimin e tyre në të ardhmen por edhe familjet dhe shoqërinë në zhvillimin e saj. Po fillojmë një fazë të re, një risi e cila ka potencialin të ketë rezultate konkrete dhe të dukshme brenda një periudhe të shkurtër, duke u shtrirë tek të gjitha familjet e reja që kanë nevojë për mbështetje institucionale”, ka thënë Nagavci.
Ajo ka përmendur edhe miratimin e Ligjit për Fëmijërinë e Hershme, të miratuar në Kuvend./rtk/
Lajçak: Normalizimi Kosovë-Serbi dhe Kushtetuta e Bosnjës, p...
Sulmet izraelite vrasin 29 njerëz në Gazë, teksa Hamasi hedh...
Rreth 2 mijë të vrarë në Liban nga konflikti mes Izraelit dh...
Moti i keq me intensitet të lartë të reshjeve, mobilizon Shq...
Rriten importet e makinave kineze në Afrikën e Jugut
Trajneri i Liverpoolit pranon se ka ‘vendim për të marrë’ pë...