Google ADS

Nagavci: 1882 studente përfituese të bursës STEM, do të ofrojmë mbështetje shumë dimensionale

15:11 | 30 Nëntor 2023
E.K

Ministrja e Arsimit, Arbërie Nagavci, ka njoftuar se e ka nënshkruar vendimin për publikimin e listës së përfituesve të mbështetjes financiare për studentet që studiojnë në fushat e Shkencës, Teknologjisë, Inxhinierisë e Matematikës (STEM).

Me anë të një postimi në Facebook, Nagavci ka bërë të ditur se në këtë thirrje kanë aplikuar 2761 studente vajza/gra ndërkaq, komisioni vlerësues ka konstatuar se 1882 prej tyre i kanë plotësuar kriteret sipas thirrjes publike. Të gjitha këto studente do të përfitojnë nga 1 mijë euro.

“Mbështetja e vajzave/grave dhe fuqizimi i tyre përveçse ndihmon në ngritjen akademike e profesionale të tyre, kontribuon edhe në zhvillimin e gjithëmbarshëm social e ekonomik të vendit. Andaj, si Ministri e Arsimit e si Qeveri po ofrojmë mbështetje të vazhdueshme e shumë dimensionale për të gjithë studentët tanë”, ka shkruar Nagavci./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm