Google ADS

Mustafa: Teuta Rugova t’ia sqarojë vetvetes se cilin subjekt përfaqëson

22:34 | 7 Shtator 2018
Arbresh.info

Kryetari i Lidhjes Demokratike të Kosovës, Isa Mustafa, thotë se partitë opozitare duhet të bashkëpunojnë ndërmjet vete për ta krijuar rrugën që vendi të shkojë në zgjedhje të reja.

Në një intervistë për ‘Epokën e Re’, ai ka thënë se LDK’ja do të bashkëpunojë me Lëvizjen Vetëvendosje për zgjedhje të reja dhe për qeverisje të mirë të vendit.

Mustafa ka theksuar se ky koalicion qeverisës është duke e dëmtuar vendin dhe po rrezikon stabilitetin buxhetor.

Ai ka thënë se Kuvendi nuk po funksionin në rrethana normale, kurse Qeveria po merr vendime arbitrare.

Mustafa ka folur edhe për veprimet që po ndërmerr deputetja Teuta Rugova në favor të kësaj qeverie.

Ai ka thënë se deputetja Rugova duhet t’ia sqarojë vetvetes se çfarë përfaqëson në Kuvendin e Kosovës.

“Ajo është deputete e LDK’së dhe asnjë liste tjetër”, ka thënë Mustafa.

Duke komentuar idenë për korrigjimin e kufijve, ai ka thënë se idetë e tilla janë të rrezikshme.

Shpërndaje në rrjete sociale

Lajmet më të lexuara

Të ngjashme

Foto lajm