Mustafa takohet me ambasadorin e ri gjerman

16:23 | 8 Nëntor 2017
Arbresh.info

Kryetari i LDK-së,  Isa Mustafa, është takuar me Ambasadorin e ri gjerman, Christian Heldt, të cilin e falënderoi për kontributin e pazëvendësueshëm të Gjermanisë për shtetin e Kosovës.

Gjatë takimit u bisedua për zhvillimet aktuale në Kosovë dhe proceset tjera të rëndësishme.

Mustafa e njoftoi ambasadorin Heldt për rolin e LDK-së në proceset shtetformuese dhe zhvillimore për vendin dhe shprehu përkushtimin e LDK-së për avancimin e proceseve integruese evropiane, në bashkëpunim të plotë me autoritetet gjermane.

Ambasadori Heldt e falënderoi kryetarin Mustafa për pritjen, duke vlerësuar rolin e LDK-së në proceset zhvillimore në Kosovë.

Ai po ashtu, shprehu vullnetin e tij për avancimin e raporteve ndërmjet dy vendeve, duke theksuar përkrahjen e mëtejshme të Gjermanisë për Kosovën.

Shpërndaje në rrjete sociale

Lajmet më të lexuara

Të ngjashme

Foto lajm