Deputetja e partisë Demokratike të Kosovës, Ganimete Musliu ka dorëzuar sot padi në Gjykatën Themelore ndaj ministrit të Bujqësisë, Faton Peci.
Musliu para mediave ka thënë, se Ministri Peci ka hedhur akuza e fyerje ndaj saj si deputete dhe PDK-së gjatë mbledhjes së Komisionit javën e kaluar, raporton arbresh.info
“Unë sapo e bëra këtë në Gjykatën Themelore dhe zotëri Peci do të ballafaqohet më mua në gjyqe për shpifje dhe dëmtim të identitetit tim. Unë do ta ushtroj detyrën time si deputete e përgjegjshme dhe do të vazhdoj t’i mbroj bujqit. Zotëri Peci ka vazhduar t’i gënjej ata. Ai ka hedhur akuza të ulëta ndaj meje dhe Partisë Demokratike të Kosovës. Për shpifjet e tij ai do të japë llogari në gjyqe dhe s’do të lejoj që ai t’i shpëtoj dënimit të merituar. Ka përfunduar koha kur politikanët të papërgjegjshëm të hedhin akuza për dështimet e tyre ndaj deputetëve”, tha Musliu.
Padia e Musliut ndaj Pecit vjen pas një përplasjeje verbale në Komisionin për Mjedis, Ushqim, Bujqësi, Planifikim dhe Zhvillim.
Musliu e pati quajtur Pecin rrugaç, e më pas e kishte hedhur një gotë ujë ndaj tij.
Pas këtij incidenti, deputetja Musliu doli në një konferencë për media, ku edhe paralajmëroi padinë ndaj ministrit Peci./arbresh.info/
LEXO EDHE
Pse këto dy shenja të horoskopit janë gjithmonë në qendër të...
Përfshihet nga zjarri një banesë në Fier
Barça deklason Bayern, Atletico bie nga Lille, Inter fiton m...
Mbretëri e Bashkuar, vdekjet nga kokaina u rritën 30%
Mbrojtja Civile e Gazës thotë se tre punëtorë të saj u plago...
“Prishet miqësia”, përplasje e fortë mes Vullnetit dhe Gresë...