Musliu: Drejtori i AKI-së nuk është i përfshirë në lajmin e dhënë në RTK

19:25 | 25 Korrik 2024
R J

Deputetja e Kuvendit të Kosovës, Ganimete Musliu, ka thënë se si kryetare e Komisionit Parlamentar për Mbikëqyrjen e AKI-së e ka kontaktuar drejtorin e kësaj Agjencie, Petrit Ajetin, për tu informuar për vërtetësinë e lajmeve të qarkulluara se AKI është e përfshirë në lajmin e transmetuar në RTK të marrë nga medium boshnjak “Slobodna Bosna”.

Musliu në një postim në Facebook ka theksuar se drejtori i AKI-së është deklaruar se nuk është i përfshirë në këtë rast.

“Në bazë të përgjigjejes zyrtare të Drejtorit Ajeti, deklaroj se AKI nuk është e përfshirë dhe nuk ka të bëjë me këtë rast.

Si kryetare e Komisionit Mbikqyrës Parlamentar ftoj Prokurorinë Speciale të intervistoj Drejtorin e RTK 1, Rilind Gërvallën dhe të zbardhë këtë rast, përndryshe kjo çështje po e dëmton jo vetëm reputacion e AKI-së, por indirekt edhe sigurinë nacionale!”, ka shkruar Musliu.

 

Shpërndaje në rrjete sociale

Lajmet më të lexuara

Të ngjashme

Foto lajm