Murati: Stafi edhe minatorët duhet të tregojnë se janë të gatshëm të bëjnë më të mirën për Trepçën

17:42 | 31 Tetor 2023
E.K

Ministri i Financave, Hekuran Murati, në një konferencë për media ka diskutar edhe për grevën e minatorëve të Trepçës.

Ai tha se stafi dhe minatorët e Trepçës duhet të tregojnë se janë të gatshëm të bëjnë më të mirën e mundshme për ndërmarrjen.

Murati tha se ka pasur mbështetje nga Qeveria për Trepçën, derisa shtoi se zhvillimi i qëndrueshëm i ndërmarrjes arrihet kur të gjithë punojnë së bashku.

“Sa i përket mbështetjes financimit për Trepçën, kredinë së miratuar, ekipet teknike kan qenë në qenë në negocim me menaxhmentin e Trepçës çështja duhet të sigurohet, bëhet fjalë për kredi, duhet të sigurohet kapacitetit pagues i ndërmarrjes njësoj siç ka qenë edhe me Telekomin e Kosovës. Trepça duhet të tregoj edhe stafi edhe minatorët duhet të tregojnë se janë të gatshëm më të mirën e mundshme për ndërmarrjen të gjithë bashkë, në mënyrë që bashkërisht ta çojmë ndërmarrjen përpara”, ka thënë Murati./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm