Murati e mohon se është “tkurr punësimi”, thotë se janë punësuar 7 mijë persona më shumë

17:30 | 18 Qershor 2023
E.H

Është raportuar nëpër mediat kosovare se numri i përgjithshëm i të punësuarve për vitin 2023 në Kosovë ka shënuar rënie.

Referuar raportimit të mediave, për 28 mijë e 85 vende është ulur numri i të punësuarve në muajin prill të këtij viti krahasuar me tremujorin e parë të vitit 2022.

Ndaj kësaj, ka reaguar ministri i Financave, Hekuran Murati i cili këto statistika i quan të pavërteta.

Përmes një postimi në rrjetin social Facebook, Murati ka thënë se rreth 7 mijë persona më shumë, janë punësuar në tre mujorin e parë të këtij viti krahasuar me vitin 2022.

“Përndryshe, informata e saktë sipas raportit të fundit të ATK-së është se, për muajin prill 2023 janë të deklaruar 395,166 të punësuar, apo rreth 7 mijë më shumë sesa TM1 2022 – nëse duam t’i krahasojmë indikatorët ashtu si duhet”, ka shkruar Murati./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm