Google ADS

Muja: Qeveria Kurti rriti transferet sociale 30 për qind më shumë se ish-Qeveria Hoti dhe 47 për qind se ajo Haradinaj

13:39 | 14 Prill 2022
Fjolla Bajraktari

Deputeti i Lëvizjes Vetëvendosje, Armend Muja, ka deklaruar se Qeveria Kurti ka rritur transferet sociale 30 për qind më shumë se ish-Qeveria Hoti dhe 47 për qind se ajo Haradinaj.

Duke i quajtur të nevojshme shtesat prej 100 eurosh, deputeti Muja tha se ato do të ndihmojnë të adresojnë presionin e inflacionit në vend.

“Qeveria Kurti qe nga ardhja në pushtet ka rritur transferet sociale 30 për qind, krahasuar me qeverinë paraprake Hoti apo 47 për qind më shumë se Qeveria Haradinaj në vitin 2019. Këto transfere sociale janë të dizajnuara sipas programit të Lëvizjes Vetëvendosje. Shtesat e këtij viti do të ndihmojnë të adresojnë presionin e inflacionit në vend. Të gjitha këto transfere janë bazuar në performancën e mirë të Qeverisë Kurti dhe çdo cent shtesë që është mbledhur do të shpërndahet te shtresat që kanë më së shumti nevojë”, tha ai./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm