Mot me diell, vranësira dhe riga shiu për dy ditët e ardhshme

13:02 | 21 Qershor 2022
Fjolla Bajraktari

Gjatë këtyre dy ditëve të ardhshme do të mbajë mot i ndryshueshëm, me diell dhe vranësira, të cilat gjatë ditës parashihen të shoqërohen me riga shiu dhe shkarkime rrufesh.

Në njoftimin e Institutit Hidrometeorologjik të Kosovës thuhet se reshjet më të fokusuara parashihen në jug të vendit,kryesisht rrëzë maleve, ndërsa pjesët tjera të territorit, duke mos e përfshirë të gjithë territorin, parashihen të kenë më pak reshje.

“Vlerat e temperaturave minimale do të lëvizin ndërmjet 11-15 gradë Celsius, ndërsa maksimalet e ditës parashihen të lëvizin ndërmjet 25-31 gradë Celsius. Indeksi UV mbetet i lartë gjatë gjithë javës, prandaj kujdes rrezeve direkte të diellit”.

“Do të fryjë erë e lehtë dhe lokalisht e fortë nga drejtimi i perëndimit dhe veriperëndimit”, thuhet në njoftim./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm