Google ADS

Molliqaj intervistohet nga policia për rastin e KEDS-it: Lajm i mirë në këtë thellim të krizës energjetike është fakti se kanë nisur hetimet

17:16 | 29 Dhjetor 2021
L G

Kryetari i Partisë Socialdemokrate, Dardan Molliqaj, ka thënë se ka dëshmuar në polici lidhur me degradimin e KEDS-it.

Molliqaj përmes një postimi në një Facebook,  shkruan se hetimet tashmë kanë nisur, duke thënë se qytetarët nuk mund t’i shërbejnë kapitalit privat.

“Sot në polici theksova dyshimet, pyetjet dhe dhashë informatat që kemi në posedim lidhur me rastin e degradimit të KEDS-it. Lajm i mirë në këtë thellim të krizës energjetike është fakti se kanë nisur hetimet. Qytetarët nuk mund t’i shërbejnë kapitalit privat e as nuk mund ta legjitimojnë qasjen e tillë qeverisëse”, është shprehur Molliqaj.

Tutje ka bërë thirrje qytetarëve, mediave dhe gjithë atyre që kanë informacione që t’i bashkohen hetimet.

“Ftojmë të gjithë që kanë informata dhe mediat hulumtuese që t’i bashkohen këtij hetimi dhe të publikojnë informacionet që i kanë lidhur me këto dy kompani. Fajtori nuk është jetim dhe për këtë do të kërkojmë llogari deri në fund”, ka shkruar Molliqaj./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm