Mogherini: BE-ja ende i ka dyert e hapura për Turqinë

21:02 | 28 Prill 2017
Trina Galanxhi

Bashkimi Europian ende po i mban dyer e hapura për anëtarësimin e Turqisë në bllok, por thotë se Ankaraja duhet të jap sinjale të qarta nëse ajo synon të përmbushë kriteret e caktuara.

Shefja e politikës së jashtme në BE, Federica Mogherini, ka deklaruar se pavarësisht dyshimeve të shprehura nga ministrat e jashtëm gjatë takimit të sotëm, BE-ja ende favorizon vazhdimin e bisedimeve për anëtarësimin e Turqisë në BE, transmeton portali arbresh.info.

“Është në dorën e tyre që të shprehin vullnetin për të vazhduar të qenit një vend kandidat për t’ju bashkuar familjes tonë”, tha ajo.

Mogherini ka vënë në dukje se Turqia duhet të respektojë rregullat themelore të demokracisë, si mbrojtja e pakicave dhe mos miratimi i ligjit për dënim me vdekje./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm